KB7News

ឆ្នាំនេះ ព្រះរាជពិធីច្រត់ព្រះនង្គ័ល នឹងធ្វើនៅខេត្តតាកែវ

Khmer PosterApril 18, 2019ជីវិតនិងសង្គម No comments

ព្រះរាជពិធីច្រត់ព្រះនង្គ័ល ដែលត្រូវចាត់ទុកថា ជាការចាប់ផ្តើមនៃការបង្ករបង្កើនផលនារដូវវស្សានោះ សម្រាប់ឆ្នាំ២០១៩នេះ នឹងប្រារព្ធធ្វើឡើង នៅកីឡាដ្ឋានគិរីវង្សសុខសែនជ័យ ក្នុងភូមិត្រពាំងអង្គ សង្កាត់រការក្រៅ ក្រុងដូនកែវ ខេត្តតាកែវ នាថ្ងៃទី២២ ខែឧសភា ឆ្នាំ២០១៩ ត្រូវនឹងថ្ងៃ៣រោច ខែពិសាខ។

គួរបញ្ជាក់ថា ព្រះរាជាណាចក្រកម្ពុជា តែងប្រារព្ធធ្វើព្រះរាជពិធីច្រត់ព្រះនង្គ័លជារៀងរាល់ឆ្នាំ នៅក្នុងខែពិសាខ ឯវាលព្រះស្រែ ឬវាលមេរុ ស្ថិតនៅខាងជើងព្រះបរមរាជវាំងសព្វថ្ងៃ និងឆ្នាំខ្លះក៏ធ្វើឡើងនៅតាមបណ្តាខេត្តនានា។

ព្រះរាជពិធីនេះ ត្រូវប្រារព្ធធ្វើឡើងក្នុងគោលបំណងសំខាន់ៗរួមមាន ៖

១. ប្រកាសប្រាប់ដល់ប្រជាកសិករថា រដូវធ្វើស្រែចំការបានមកដល់ហើយ។

២. ដើម្បីផ្សងមើលប្រផ្នូលរបស់ស្រុកទេស អំពីការទទួលបាននូវភោគផលកសិកម្ម តាមរយៈការបរិភោគរបស់គោឧសភរាជ និងបួងសួងសុំទឹកភ្លៀង។

៣. ជាការដឹងគុណទៅដល់អាទិទេព ក៏ដូចជាមេឃដែលបានបង្អុរភ្លៀងប្រើប្រាស់រៀងរាល់ឆ្នាំ។

៤. ជាពេលវេលាដែលព្រះមហាក្សត្រ និងថ្នាក់ដឹកនាំរដ្ឋ បានជួបសួរសុខទុក្ខប្រជាកសិករ៕

មកស្គាល់អាងហែលទឹកសាធារណៈដំបូងបង្អស់លើពិភពលោក

Khmer PosterApril 18, 2019ជីវិតនិងសង្គម No comments

អាងហែលទឹកសាធារណៈ ដែលកើតឡើងដំបូងបង្អស់គឺស្ថិតនៅទីក្រុង Mohenjo-Daro ដែលទីក្រុងបុរាណមួយស្ថិតក្នុងប្រទេសប៉ាគីស្ថានក្នុងពេលបច្ចុប្បន្ន។ អាងនេះត្រូវបានកសាងឡើងកាលពី ៤,៥០០ឆ្នាំមុន ក្នុងសម័យនៃអរិយធម៌ជ្រលងទន្លេឥណ្ឌុស។

អាងទឹក The Great Bath នេះ មានបណ្ដោយ ១១ម៉ែត្រ និងទទឹង ៧ម៉ែត្រ ហើយមានជម្រៅជាង ២.៥ម៉ែត្រ។ អាងនេះត្រូវបានគេប្រើប្រាស់សម្រាប់មុជទឹករួមគ្នា ក៏ដូចជាធ្វើពិធីសាសនាផ្សេងៗផងដែរ។

គេប៉ាន់ស្មានថា អាងនេះត្រូវបានគេបោះបង់ចោលនៅឆ្នាំ ១៩០០មុនគ្រិស្តសករាជ ហើយត្រូវបានគេរកឃើញវិញ នៅឆ្នាំ១៩២៦ ហើយត្រូវបានដាក់បញ្ចូលក្នុងបញ្ជីបេតិកភណ្ឌពិភពលោក កាលពីឆ្នាំ១៩៨០។

សូមបញ្ជាក់ផងដែរថា អរិយធម៌ជ្រលងទន្លេឥណ្ឌុសមានវាសនាខុសពីអរិយធម៌នៃតំបន់ដទៃៗទៀត ដោយអរិយធម៌មួយនេះមិនត្រូវបានអ្នកឈ្លានពានយកមកប្រើតទេ ដែលបណ្ដាលវប្បធម៌ទាំងនេះត្រូវបានកប់ចោលរាប់ពាន់ឆ្នាំ រហូតដល់បច្ចុប្បន្នទើបគេរកឃើញ៕

Facebook សម្ងំបង្កើតបច្ចេកវិទ្យាសំឡេងដ៏ទំនើបមួយផ្ទាល់ខ្លួន

Khmer PosterApril 18, 2019បច្ចេកវិទ្យា No comments

ក្រុមហ៊ុនបណ្ដាញសង្គមដ៏មានប្រជាប្រិយភាពជាងគេ Facebok ត្រូវបានគេទម្លាយឲ្យដឹងថា កំពុងសម្ងំបង្កើតបច្ចេកវិទ្យាជំនួយការសំឡេង( AI digital voice assistant) ផ្ទាល់ខ្លួន។ មុខងារថ្មីនេះ អាចនឹងចូលមកជំនួសឲ្យមុខងារសំឡេង M suggestions ដែលបានប្រកាសបិទកាលពីពេលដើមឆ្នាំ ២០១៨ ក្រោយមិនទទួលបានជោគជ័យ។ នេះយោងតាមសារព័ត៌មាន CNBC។

មុខងារសំឡេងឆ្លាតវៃនេះ នៅមិនទាន់ចេញរូបរាងនៅឡើយទេ កំពុងស្ថិតក្នុងដំណាក់កាលអភិវឌ្ឍន៍។ យ៉ាងណាមិញ វាអាចនឹងសម្រាប់ប្រើលើមុខងារជាច្រើនលើ Facebook ដូចជា Messenger និងចំណែកធំជាងគេគឺលើ Facebook PORTAL និង Oculus products។

Facebook ក៏បានបញ្ជាក់ដែរថា មុខងារសំឡេងឆ្លាតវៃថ្មីនេះ វាជាទម្រង់មួយផ្សេង អាចនឹងមិនមែនជាគូប្រជែង Google Assistant ឬ Alexa នោះទេ៕

អ្នកគាំទ្រ OnePlus សន្សំលុយទៅ ចេញម្ដងនេះ ៣ ស៊េរីសុទ្ធតែគីឡូធ្ងន់

Khmer PosterApril 18, 2019បច្ចេកវិទ្យា No comments

ដំណឹងនៃការលេចធ្លាយនូវរូបភាពជាច្រើនសន្លឹក ពីគណនី @OnLeaks លើបណ្តាញសង្គម Twitter កំពុងតែបន្តក្តៅគគុកទៀតហើយ ដែលម្តងនេះបង្ហាញព័ត៌មានច្បាស់ៗថា OnePlus នឹងធ្វើកម្មវិធីប្រកាសជាផ្លូវការនៅថ្ងៃទី ១៤ ខែឧសភា ឆ្នាំ ២០១៩ មានដល់ទៅ ៣ ស៊េរី សុទ្ធតែគីឡូធ្ងន់។

-OnePlus 7 មានអេក្រង់ ៦,៤ អ៊ិញអេក្រង់ប្រភេទ AMOLED រចនាម៉ូឌតំណក់ទឹកបង្កប់កាមេរ៉ាខាងមុខ ឯកាមេរ៉ាក្រោយ ៣ គ្រាប់ទំហំ ៤៨ មេហ្ភាភិចសែល(ជាកាមេរ៉ាមេ) និងប្រើឈីបSnapdragon 855 SoC មាន RAM ទំហំ 12GB ដំណើរការលើ Android Pie អមផ្ទៃកម្មវិធី OxygenOS។

-OnePlus 7 Pro មានអេក្រង់ ៦,៦ អ៊ិញបំពាក់អេក្រង់កោង កាមេរ៉ាមុខផុសជាប្រភេទ Pop-up មានកាមេរ៉ាក្រោយ ៣ គ្រាប់ (48MP+16MP+8MP) ដាក់ឡេន Telephoto+Ultra Wide+ Monochrome ប្រើឈីប Snapdragon 855 SoC មានអង្គផ្ទុក 256GB បន្សំថាមពលថ្មធំ ៤ ០០០ mAH និងគាំទ្រមុខងារសាកថ្មរហ័ស Dash Charging កម្លាំង ៤៤ វ៉ាត់។

-OnePlus 7 Pro 5G នឹងបំពាក់ឈីប (X50) Snapdragon 855 SoC ចំពោះលក្ខណៈសម្បត្តិផ្សេងទៀតនៅមិនទាន់ច្បាស់នៅឡើយទេ

បញ្ជាក់ថាចំពោះតម្លៃជំនាន់ OnePlus 7 អាចក្បែរ ៦០០ ដុល្លារ ឯ OnePlus 7Pro 5G ក៏មិនដល់ ១ ពាន់លានដុល្លារដែរ នេះបើតាមការសន្យាកន្លងមករបស់នាយកប្រតិបត្តិនៃក្រុមហ៊ុន OnePlus ផ្ទាល់ធ្លាប់លើកឡើង៕

Labels

Khmer PosterFebruary 15, 2019ជីវិតនិងសង្គម, បច្ចេកវិទ្យា, ប្លែកៗ, សុខភាព, អំពីយើង No comments

មហាសេដ្ឋី Bill Gates ថា ការចែកលុយឲ្យកូនៗជារឿងមិនល្អ

Khmer PosterFebruary 15, 2019ជីវិតនិងសង្គម No comments

មហាសេដ្ឋី Bill Gates បានថ្លែងថា លោកមិនសក្ដិសម មានទ្រព្យសម្បត្តិដូចសព្វថ្ងៃនេះឡើយ ហើយលោកគួរតែត្រូវបានគេតម្រូវឲ្យបង់ពន្ធច្រើនជាងនេះ។ ការថ្លែងរបស់ម្ចាស់ក្រុមហ៊ុន Microsoft នេះ ត្រូវបានធ្វើឡើងក្នុងកិច្ចសម្ភាសជាមួយសារព័ត៌មាន Daily Mail កាលពីថ្ងៃទី១១ ខែកុម្ភៈ ឆ្នាំ២០១៩។

អ្នកបង្កើតក្រុមហ៊ុន Microsoft កាលពីឆ្នាំ១៩៧៥រូបនេះ បានមានប្រសាសន៍ដូច្នេះថា៖ «ខ្ញុំមិនសក្ដិសមនឹងអ្វីដែលខ្ញុំមានឡើយ។ គ្មាននរណាម្នាក់សក្ដិសមឡើយ។ វាបានមកដោយសារតែពេលវេលា សំណាង និងមនុស្សដែលខ្ញុំបានធ្វើការជាមួយប៉ុណ្ណោះ។ ខ្ញុំបានខិតខំប្រឹងប្រែងធ្វើការ ហើយ Software បានផ្ដល់នូវអត្ថប្រយោជន៍សម្រាប់ខ្ញុំ ក៏ប៉ុន្តែខ្ញុំក៏ទទួលបានផលប្រយោជន៍ពីរចនាសម្ព័ន្ធមួយផងដែរ។ ខ្ញុំគិតថា ការចែកលុយទៅឲ្យកូនៗរបស់ខ្ញុំ មិនមែនជារឿងល្អសម្រាប់ពួកគេ ឬសង្គមនោះទេ»។

លោក Gates ដែលមានវ័យ៦៣ឆ្នាំ បន្តថា៖ «ខ្ញុំបានបង់ពន្ធជាង ១០ពាន់លានដុល្លារ ប៉ុន្តែខ្ញុំគួរតែបង់ច្រើនជាងនេះ។ ខ្ញុំគោរពច្បាប់ណាស់ តែខ្ញុំគិតថា អ្វីៗគួរតែមានដំណើរការបន្តទៅមុខទៀត»។

លោក Bill Gates មានទ្រព្យសម្បត្តិប្រហែលជាង ៩៣ពាន់លានដុល្លារអាមេរិក ហើយលោក និងភរិយារបស់លោក បានបង្កើតមូលនិធិ Bill & Melinda Gates ដើម្បីជួយដល់ជនក្រីក្រ នៅក្នុងប្រទេសមួយចំនួន៕

មិនចេះក៏គួររៀនញ៉ាំស្លឹកគូឆាយ ព្រោះបន្លែនេះប្រសើរចំពោះសុខភាពទប់ស្កាត់ជំងឺច្រើនយ៉ាង

Khmer PosterFebruary 13, 2019សុខភាព No comments

គូឆាយ ជាបន្លែមួយប្រភេទដែលពេញនិយម និងសម្បូរណាស់ដែរក្នុងប្រទេសកម្ពុជា។ ហើយតែងត្រូវបានគេមកចម្អិនជាម្ហូបផ្សេងៗ ឬបន្ថែមក្នុងអាហារបង្កើនរសជាតិ និងធ្វើជានំ។ភាគច្រើននៃពួកយើងសុទ្ធតែស្គាល់ និងធ្លាប់ទទួលទានបន្លែនេះ ប៉ុន្តែប្រហែលជាមិនធ្លាប់ចាប់អារម្មណ៍ដឹងអំពីអត្ថប្រយោជន៍ដ៏ប្រសើរនៃការទទួលទានវាចំពោះសុខភាពឡើយ! (អាន ៖ ថ្នាំងងុយគេង ពេលអ្នកគួរប្រើ) ទោះបីជាមិនចូលចិត្តក៏ពិតមែន ប៉ុន្តែក្រោយពីអានអត្ថបទខាងក្រោមនេះរួច អ្នកក៏ប្រហែលជានឹងប្ដូរចិត្តចង់ទទួលទានមិនខាន។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីឥទ្ធិពលវិជ្ជមានល្អៗនៃស្លឹកគូឆាយចំពោះសុខភាពទប់ស្កាត់ជំងឺ ៖

១. សម្អាតបំពង់រំលាយអាហារ

គូឆាយ មានផ្ទុកសម្បូរទៅដោយសារធាយុស្ពាន់ធ័រដែលជួយកម្ចាត់មេរោគ ក៏ដូចជាជាតិពុលក្នុងបំពង់រំលាយអាហារ។ ដូច្នេះការទទួលទានស្លឹកគូឆាយជួយបង្កើនការរំលាយអាហារ និងដោះស្រាយទប់ទល់បញ្ហាផ្សេងៗនៃប្រព័ន្ធរំលាយអាហារ។

២. កម្ចាត់ជាតិពុលផ្សេងៗចេញពីរាងកាយ

គូឆាយ មិនត្រឹមតែជួយសម្អាតពោះវៀន និងបំពង់រំលាយអាហារប៉ុណ្ណោះទេ ប៉ុន្តែគឺរាងកាយទាំងមូលតែម្ដង។ គូឆាយ មានលក្ខណៈសម្បត្តិបញ្ចុះទឹកនោម ដូច្នេះហើយទើបការទទួលទានវាជួយបង្កើនការបញ្ចេញជាតិពុលផ្សេងៗចេញពីរាងកាយតាមរយៈទឹកនោម។

៣. កាត់បន្ថយហានិភ័យនៃជំងឺមហារីក

គូឆាយ មានផ្ទុកសម្បូរទៅដោយសារធាតុប្រឆាំងអុកស៊ីតកម្មជាច្រើនប្រភេទ រួមបញ្ចូលទាំងសារធាតុ quercetin។ សារធាតុប្រឆាំងអុកស៊ីតកម្ម quercetin មានឥទ្ធិពលបំផុតប្រយុទ្ធប្រឆាំងក៏ដូចជាទប់ស្កាត់ជំងឺមហារីក។

៤. បង្កើនសុខភាពភ្នែក

គូឆាយ ក៏ជាប្រភពដ៏ប្រសើរនៃសារធាតុ lutein និង zeaxanthin ដែលជួយបង្កើនសុខភាពភ្នែកពីការបំផ្លាញដោយរ៉ាឌីកាល់សេរី។ ការទទួលទានស្លឹកគូឆាយជួយឱ្យមើលឃើញបានកាន់តែច្បាស់និងជៀសផុតពីជំងឺភ្នែកផ្សេងៗគួរឱ្យកត់សម្គាល់។

៥. ទប់ស្កាត់ជំងឺពុកឆ្អឹង

គូឆាយ មានផ្ទុកសម្បូរទៅដោយវីតាមីន k ដែលរាងកាយត្រូវការចាំបាច់សម្រាប់រក្សាសុខភាពឆ្អឹងរឹងមាំ។ តួនាទីនៃវីតាមីន k ក្នុងការទប់ស្កាត់ជំងឺពុកឆ្អឹង គឺជួយរក្សាជាតិកាល់ស្យូមក្នុងឆ្អឹងជាជាងបញ្ចេញវាទៅក្នុងចរន្តឈាម។

៦. ល្អសម្រាប់សុខភាពបេះដូង

គូឆាយ ក៏មានផ្ទុកសមាសធាតុ allicin ដែលជួយកាត់បន្ថយកម្រិតនៃកូឡេស្តេរ៉ូលមិនល្អ ក៏ដូចជាទប់ស្កាត់បញ្ហាសម្ពាធឈាមឡើងខ្ពស់។ ហើយដូចដែលធ្លាប់បានដឹងរួចមកហើយថា បញ្ហានៃកម្រិតកូឡេស្តេរ៉ូល និងសម្ពាធឈាមជាមូលហេតុចម្បងបង្កផលប៉ះពាល់ដល់សុខភាពបេះដូង៕

KB7News

ឆ្នាំនេះ ព្រះរាជពិធីច្រត់ព្រះនង្គ័ល នឹងធ្វើនៅខេត្តតាកែវ

មកស្គាល់អាងហែលទឹកសាធារណៈដំបូងបង្អស់លើពិភពលោក

Facebook សម្ងំបង្កើតបច្ចេកវិទ្យាសំឡេងដ៏ទំនើបមួយផ្ទាល់ខ្លួន

អ្នកគាំទ្រ OnePlus សន្សំលុយទៅ ចេញម្ដងនេះ ៣ ស៊េរីសុទ្ធតែគីឡូធ្ងន់

Labels

មហាសេដ្ឋី Bill Gates ថា ការចែកលុយឲ្យកូនៗជារឿងមិនល្អ

មិនចេះក៏គួររៀនញ៉ាំស្លឹកគូឆាយ ព្រោះបន្លែនេះប្រសើរចំពោះសុខភាពទប់ស្កាត់ជំងឺច្រើនយ៉ាង

Labels

Blog Archive

Recent Posts

Pages

Social Profiles

Labels

Blog Archive

Recent Posts

Pages